Memories

 

I was reminded o’ it yesterday,

When we were gaithered yin an’ a’,

O that nicht doon in Johnny’s when

I threw the haggis et the wa’.

 

The whisky flowed like watter,

Johnny’s beer wis guid an a’,

An’ I recited Burns an’ then

Threw the haggis et the wa’.

 

The haggis wis presented

Like a moist an’ tasty ba’,

An’ I trenched its gushing entrails,

Then I threw it et the wa’.

 

Legs and erms and heids did sned,

An’ I never saw at a’,

The haggis fleein aff the knife

Tae splatter oan the wa’.

 

Noo, they talk o’ Jack the Dripper,

Klimt and Klee and a’,

But the décor doon in Johnny’s hoose,

Wis the haggis oan the wa’.

 

O a’ the tales in Ooters lore,

This yin’s abin them a’,

That nicht when doon in Johnny’s hoose,

I threw the haggis et the wa’.