Toast

Jimmy’s New Year Toast
(when opening the bottle of Glenlivet presented to him by the Early Ooters)


Here’s a health tae us a’, boys,
Tae the ooters ane an’ a’, boys,
Though we’re nae sae young at a’, boys,
Here’s tae the boy in us a’.


Here’s tae him wha kens the paths,
An’ never gaes astray,
Here’s tae him wi’ the hoose in France,
Wha invited us ower tae stay


Here’s tae the mathematician,
Wi’ his coffee an’ his scones
Here’s tae oor antipodean freen,
Wi his funny Aussie tones.


Here’s tae Catrine’s potter cheil,
Wha potters oot the dishes,
Here’s tae the dancing angler,
May he aye keep catching fishes.


Here’s tae oor tame Englishman,
Wha’s learnin’ a’ oor words,
Here’s tae the ornithologist,
Wha tells us a’ the birds.


Here’s tae the new boys, Allan an’ Ian,
May they aye keep comin’ back
Tae enjoy oor Wednesday walking
An’ oor post-walk Ooters crack.


I'll raise a toast tae us a’, boys,
Aye, I’ll raise this toast tae us a’.
Though we’re nae sae young as we yuist tae be,
Guid health, and joy be wi’ us a’.


Slanthe